سعودی سینما سےحاصل ہونے والی آمدنی 3 ارب ریال سے تجاوز کر گئی

سعودی عرب کی جنرل اتھارٹی برائے آڈیو ویژوئل میڈیا نے سنیما سیکٹر کے بارے رپورٹ جاری کرتے ہوئے کہا کہ مملکت میں سینما گھر کھلنے کے بعد سے 51 ملین ٹکٹ فروخت ہوئے اور مملکت کو سینما سےحاصل ہونے والی آمدنی 3 ارب ریال سے تجاوز کر گئی۔

مملکت میں ڈسپلے اسکرینوں کی تعداد 620 سے زیادہ ہوگئی ہے جبکہ سینما گھروں کی تعداد 69 سے تجاوز کر گئی ہے۔ سینما گھروں کی نشستوں کی تعداد 64,000 سے زیادہ ہے۔ سعودی عرب کے 20 سے زیادہ شہروں میں 7 سے زیادہ سینما آپریٹرزکام کررہے ہیں۔

آڈئو وژول اتھارٹی نے بتایا کہ دکھائی جانے والی سعودی فلموں کی تعداد میں بھی اضافہ دیکھا جا رہا ہے، جب کہ باکس آفس پر "ٹاپ گن: ماورک سب سے زیادہ دیکھی گئی فلم قرار دی جاتی ہے۔ اس فلم کی بارہ لاکھ سے زیادہ ٹکٹیں فروخت ہوئیں اور 84 ملین ریال سے زیادہ کی آمدنی حاصل ہوئی۔