بھارتی فلم ’’جوان‘‘ ₹300 کروڑ کے کلب میں داخل 

ممبئی: بھارتی معروف اداکار شاہ رخ خان کی فلم 'جوان' عالمی باکس آفس پر ₹500 کروڑ کا ہندسہ عبور کرنے والی تیز ترین ہندی فلم بن گئی، فلم نے اپنے پہلے ہفتے میں عالمی سطح پر ₹520.79 کروڑ کمائے۔

میڈیا رپورٹ کے مطابق 'جوان' تیسری ایکشن تھرلر ہندی فلم بن گئی ہے جس نے اس سال ہندوستان میں ₹ 300 کروڑ کا نیٹ پار کیا۔ 'جوان' گزشتہ ہفتے جمعرات کو ہندی، تامل اور تیلگو میں سینما گھروں کی زینت بنی۔

ابتدائی تخمینوں کے مطابق 'جوان' نے پہلے دن ₹75 کروڑ (ہندی ₹65.5 کروڑ، تامل ₹5.5 کروڑ اور تیلگو ₹4 کروڑ) کمائے۔ دوسرے دن ₹53.23 کروڑ (ہندی ₹46.23 کروڑ، تامل ₹3.87 کروڑ، تیلگو: ₹3.13 کروڑ) تیسرے دن ₹80.1 کروڑ (ہندی: ₹71.63 کروڑ، تمل: ₹5 کروڑ، تیلگو: ₹3.47 کروڑ)، اب تک بھارت میں فلم کا کل مجموعہ ₹316.16 کروڑ ہے۔

'جوان' نے اپنے پہلے ہفتے کے آخر میں دنیا بھر کے باکس آفس پر ₹520.79 کروڑ کی کمائی کی۔