وزیر خارجہ جلیل عباس جیلانی کی برطانوی منسٹر آف سٹیٹ لارڈ طارق احمد سے ملاقات

وزیر خارجہ جلیل عباس جیلانی نے لندن میں کامن ویلتھ یوتھ منسٹرز اجلاس کے دوران برطانوی منسٹر آف سٹیٹ لارڈ طارق احمد سے ملاقات کی۔ بدھ کو دفتر خارجہ کے مطابق وزیر خارجہ اور لارڈ طارق احمد نے پاکستان اور برطانیہ کے باہمی تعلقات پر تفصیلی تبادلہ خیال کیا۔

Foreign Minister @JalilJilani & FCDO Minister Lord Tariq Ahmad @tariqahmadbt met at #10CYMM. They expressed satisfaction at the current trajectory of bilateral ties and discussed new opportunities in trade, education & climate cooperation to further strengthen ??-?? partnership. pic.twitter.com/2lM8uzBZOJ

— Spokesperson ?? MoFA (@ForeignOfficePk) September 13, 2023

دونوں وزرا نے باہمی تعلقات کی موجودہ سمت پر اظہار اطمینان کیا۔ ملاقات میں دونوں اطراف سے باہمی تعلقات کے مزید فروغ کیلئے اقدامات پر اتفاق کے ساتھ ساتھ باہمی تجارت میں اضافہ، تعلیم کے شعبہ میں تعاون اور موسمی تغیرات سے نمٹنے کیلئے مشترکہ لائحہ عمل پر غور کیا گیا۔

دونوں وزراء نے باہمی تعلقات کو مزید وسعت دینے کیلئے ادارہ جاتی روابط کو مضبوط بنانے پر بھی اتفاق کیا۔ وزیر خارجہ جلیل عباس جیلانی اور لارڈ طارق احمد نے برطانیہ میں موجود پاکستانی کمیونٹی کی دونوں ملکوں کیلئے خدمات کو سراہا۔