جی این این سوشل

دنیا

سعودی عرب سمیت 34 ممالک کی فوجی مشقیں ’ برائٹ سٹار 2023‘ اختتام پذیر

سعودی فوجی دستوں نے مقررہ تمام اہداف حاصل کرلیے

پر شائع ہوا

کی طرف سے

سعودی عرب سمیت 34 ممالک کی فوجی مشقیں ’ برائٹ سٹار 2023‘ اختتام پذیر
جی این این میڈیا: نمائندہ تصویر

ریاض: سعودی عرب سمیت 34 ممالک کی فوجی مشقیں ’ برائٹ سٹار 2023‘ اختتام پذیر ہو گئیں، سعودی خبررساں ادارے کے مطابق مصر کے محمد نجیب ملٹری بیس میں سعودی عرب سمیت 34 ملکوں کی مشترکہ فوجی مشقیں ’برائٹ سٹار 2023‘ اختتام پذیر ہوگئیں۔

سعودی آرمی ٹریننگ اتھارٹی کے سربراہ میجرجنرل عادل البلوی نے کہا کہ سعودی فوجی دستوں نے مقررہ تمام اہداف حاصل کرلیے۔ خصوصا بین الاقوامی سرحدووں کے تحفظ، سائبر سکیورٹی، بحری امن، میزائل ڈیفنس آپریشن میں تعاون اور مشترکہ بین الاقوامی عسکری آپریشنز کے نفاذ سے متعلق تجربات کا تبادلہ کیا گیا ہے۔

انہوں نے اس سے قبل کہا تھا کہ مشترکہ مشقوں کا مقصد شریک افواج کے درمیان آپریشنل تصورات میں یکسانیت لانے کے لیے ہم آہنگی، پیشہ ورانہ مہارتوں کو بڑھانا، دہشت گردی اور گوریلا جنگ کے انسداد کی منصوبہ بندی اور سکیموں پر عمل درآمد ہے۔

پاکستان

ملک کے بیشتر علاقوں میں موسم سرد اور خشک رہے گا

بالائی علاقوں میں ہلکی بارش اور پہاڑوں پر ہلکی برف باری کا امکان

پر شائع ہوا

ویب ڈیسک

کی طرف سے

ملک کے بیشتر علاقوں میں موسم سرد اور خشک رہے گا

اسلام آباد: ملک کے بیشتر علاقوں میں موسم سرد اور خشک رہے گا جبکہ بالائی علاقوں میں چند مقامات پر تیز ہواؤں اور گرج چمک کے ساتھ ہلکی بارش اور پہاڑوں پر ہلکی برف باری کا امکان ہے۔

محکمہ موسمیات کے مطابق جمعرات کے روز ملک کے بیشتر علاقوں میں موسم سرد اور خشک جبکہ بالائی علاقوں میں شدید سرد رہے گا تاہم بالائی خیبر پختونخوا ،گلگت بلتستان ، کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ ہلکی بارش اور پہاڑوں پر ہلکی برف باری کا امکان ہے۔گزشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ بالائی علاقوں میں شدید سردرہا تاہم بالائی خیبر پختونخوا ،کشمیر اورملحقہ پہاڑی علاقوں میں چند مقامات پر بارش اور پہاڑوں پر برف باری ہوئی ہے ۔

سب سے زیادہ بارش خیبرپختونخوا میں کاکول 8، پنجاب میں مری 4، کشمیر میں راولاکوٹ میں ایک ملی میٹر بارش ریکارڈ ہوئی۔ اس دوران مری میں 0.5 انچ بر ف باری ریکارڈ ہوئی۔ بدھ کو ملک میں کم سے کم درجہ حرارت لہہ منفی14،کا لام منفی 13 ،استور منفی 9، سکر دو منفی 6، گوپس منفی 5،مالم جبہ ، بگروٹ ، ہنزہ منفی 4،راولاکوٹ ، چترال، دیر منفی 3، مری اور گلگت میں منفی 2ڈگری سینٹی گریڈ ریکارڈ کیا گیا۔

 

 

پڑھنا جاری رکھیں

پاکستان

پاکستان میں اربوں ڈالرز کے ذخائر موجود ہیں ،نگراں وزیر اعظم

انوارلحق کاکڑ نے  امریکی سالٹ مائننگ اور پروسیسنگ کمپنی میریکل سالٹ ورکس کولیکٹو کے ایک وفد سے گفتگو میں کہا کہ پاکستان معدنیات کے ذخائر سے مالا مال ہے

پر شائع ہوا

ویب ڈیسک

کی طرف سے

پاکستان میں اربوں ڈالرز کے ذخائر موجود ہیں ،نگراں وزیر اعظم

نگران وزیراعظم انوار الحق کاکڑ نے کہا ہے کہ خصوصی سرمایہ کاری سہولت کونسل کے زیراہتمام معدنیات کے شعبے میں نئی کامیابیاں حاصل کی جارہی ہیں۔

انہوں نے  امریکی سالٹ مائننگ اور پروسیسنگ کمپنی میریکل سالٹ ورکس کولیکٹو کے ایک وفد سے گفتگو میں کہا کہ پاکستان معدنیات کے ذخائر سے مالا مال ہے۔ 

وزیراعظم نے یقین ظاہر کیا ہے کہ پاکستان منرل ڈویلپمنٹ کارپوریشن اور امریکی میریکل سالٹ ورکس کولیکٹو  ان کارپوریشن کے درمیان معاہدے پرو ستخطوں سے نہ صزف پاکستانی نمک کی برآمد میں اضافہ ہوگا بلکہ پاکستان اور امریکہ کے درمیان تجارتی تعلقات بھی مضبوط ہوں گے۔

انوار الحق کاکڑ نے کہا کہ نگران حکومت نے اپنی مدت کے دوران ملک میں براہ راست غیر ملکی سرمایہ کاری میں اضافے کے لئے کئی اقدامات کیے جن کے مثبت نتائج سامنے آرہے ہیں۔

وزیراعظم نے کہا کہ پاکستان کان کنی کے شعبے میں اربوں ڈالر مالیت کے کثیر وسائل رکھتا ہے اور یہ مشترکہ منصوبہ پاکستان میں موجود سرمایہ کاری کے لئے سازگار ماحول کی عکاسی کرتا ہے۔

وفد نے وزیراعظم کو بتایا کہ پاکستان میں اس کمپنی کے قیام کے بعد اس کو د نیا کی بڑی سٹاک ایکس چینجز سے منسلک کر دیا جائے گا جس سے حکومت پاکستان اور مقامی سرمایہ کاروں کو فائدہ ہوگا۔

میریکل سالٹ ورکس کولیکٹوکے وفد نے حکومت پاکستان بالخصوص خصوصی سرمایہ کاری سہولت کونسل کے تعاون کا شکریہ ادا کیا۔

وفد نے وزیراعظم کو نمک کی کانوں کے قریب رہنے والے مقامی افراد کی سماجی اور مقامی ترقی کے اپنے منصوبے اور انہیں تعلیم، صحت اور روزگار کے مواقع کی فراہمی کے بارے میں بھی بتایا۔

پڑھنا جاری رکھیں

ٹیکنالوجی

نیوٹیک کے دائرہ کار کو بڑھانے میں یونیورسٹیوں کو شامل کیا جائے ،وزیر تعلیم

نگران وزیر تعلیم  مددعلی سندھی نے فنی اور پیشہ وارانہ تربیت کے قومی کمیشن کو ہدایت کی ہے کہ کمیشن کے پروگراموں میں خصوصی افراد اور خواجہ سراؤں کے کوٹے میں اضافہ کیاجائے

پر شائع ہوا

ویب ڈیسک

کی طرف سے

نیوٹیک کے دائرہ کار کو بڑھانے میں یونیورسٹیوں کو شامل کیا جائے ،وزیر تعلیم

نگران وزیر تعلیم  مددعلی سندھی نے فنی اور پیشہ وارانہ تربیت کے قومی کمیشن کو ہدایت کی ہے کہ کمیشن کے پروگراموں میں خصوصی افراد اور خواجہ سراؤں کے کوٹے میں اضافہ کیاجائے ۔

ادارے کے آج اسلام آباد میں اجلاس کی صدارت کرتے ہوئے انہوں نے کہاکہ اس کے دائرہ کار کوصوبوں تک بڑھایا جائے انہوں نے کہاکہ نیوٹیک کے دائرہ کار کو بڑھانے میں یونیورسٹیوں کو شامل کرنا دانشمندی ہوگی۔

پڑھنا جاری رکھیں

ٹرینڈنگ

Take a poll