پاکستان فٹبالرصدام حسین نےعمان کے صلالہ اسپورٹس کلب میں شمولیت اختیار کر لی

پاکستان فٹبال کے مڈ فیلڈر صدام حسین نےعمان میں قائم صلالہ اسپورٹس کلب میں شمولیت اختیار کر لی

حسین اس سے قبل قومی ٹیم کے کپتان رہ چکے ہیں اور 25 بین الاقوامی میچوں میں پاکستان کی نمائندگی کر چکے ہیں۔ تاہم فی الحال وہ قومی اسکواڈ سے باہر ہیں۔وہ ماضی میں کرغزستان اور بحرین میں ہونے والے ٹورنامنٹس میں پیشہ ورانہ فٹ بال کھیل چکے ہیں اور آخری بار اپنے ملک میں سوئی سدرن گیس کمپنی کے فٹ بال کلب سے وابستہ تھے۔

*New Signing Alert*
Alhamdulillah It's time to start a new chapter for the upcoming season 2023–2024 I've officially signed my contract with my new team, Salalah Sports Club Division 1 League of Oman. I am excited to begin the season with my new family. We are Salalah Tigers, and pic.twitter.com/QknvgRvR5X

— Saddam HUSSAIN (@SaddamSH17) September 16, 2023

صدام حسین نے ایکس پلیٹ فارم پر لکھا کہ الحمدللہ۔ یہ آئندہ سیزن 2023-2024 کے لیے ایک نیا باب شروع کرنے کا وقت ہے میں نے اپنی نئی ٹیم صلالہ اسپورٹس کلب ڈویژن 1 لیگ آف عمان کے ساتھ باضابطہ طور پر اپنے معاہدے پر دستخط کیے ہیں۔میں اپنی نئی ٹیم کے ساتھ سیزن شروع کرنے کے لیے پرجوش ہوں۔ ہم صلالہ ٹائیگرز ہیں۔

انہوں نے اپنی ٹیم کے ساتھیوں، انتظامیہ، کوچز اور کلب کے صدور کا ان کی مدد پر شکریہ ادا کیا۔

اگرچہ حسین نے عمانی کلب کے ساتھ اپنے معاہدے کی تفصیلات ظاہر نہیں کیں تاہم انہوں نے مداحوں سے دعاؤں اور تعاون کی درخواست کی۔