ایشین گیمز کی تیاریوں کے سلسلے میں پاکستان شاہینز کے کیمپ کا پیر سے آغاز

ایشین گیمز کی تیاریوں کے سلسلے میں پاکستان شاہینز کے کیمپ کا پیر سے آغازہوگا۔ پاکستان کرکٹ بورڈ کی جانب سے جاری اعلامیہ کے مطابق پاکستان شاہینز کل پیر سے 29ستمبر تک نیشنل کرکٹ اکیڈمی لاہور میں ٹریننگ کیمپ میں حصہ لیں گے۔

پاکستان شاہینز قاسم اکرم کی قیادت میں 30 ستمبر کو چین کے شہر ہانگزو کے لیے روانہ ہوں گے۔لاہور میں بارش کے باعث کھلاڑی کل باب وولمر انڈورا سکول میں پریکٹس سیشن میں حصہ لیں گے۔

پاکستان شاہینزقاسم اکرم(کپتان)، عمیر بن یوسف (نائب کپتان)، عامر جمال، عرفات منہاس، ارشد اقبال، آصف علی، حیدر علی، خوشدل شاہ، مرزا طاہر بیگ، محمد حسنین، محمد اخلاق(وکٹ کیپر)، روحیل نذیر، شاہنواز دہانی، سفیان مقیم اور عثمان قادر پر مشتمل ہے۔ن

ان ٹریولنگ ریزرومیںعبدالواحد بنگلزئی، مہران ممتاز، محمد عمران جونیئر، محمد عرفان خان نیازی اور مبصر خان کو شامل کیا گیا ہے۔سپورٹ اسٹاف میں شاہد اسلم٠ہیڈ کوچ اور منیجر، عمر رشیدبولنگ کوچ، حنیف ملک بیٹنگ اور فیلڈنگ کوچ اور حافظ نعیم الرسول فزیو تھراپسٹ کے فرائض انجام دیں گے۔