چین کے صدر شی اور مصری وزیراعظم کی بیجنگ میں ملاقات

چین کے صدر نے کہا ہے کہ مشرق وسطیٰ میں استحکام لانے کے لیے چین مصر کے ساتھ کام کرنے کی امید رکھتا ہے، چین کے سرکاری میڈیا کے مطابق اسرائیل حماس تصادم کے سائے پورے خطے پر پڑ رہے ہیں۔

چینی صدر شی نے اس امر کا اظہار مصری وزیر اعظم کے ساتھ بیجنگ میں تبادلہ خیال کرتے ہوئے انہوں نے مصر کو  برکس میں شامل ہونے پر اسے مبارکباد دی اور توقع ظاہر کی مصر کے نئے آئیڈیاز برکس کے لیے مفید ہوں گے۔

صدر شی نے مصر کے وزیر اعظم مصطفیٰ مدبولی کے ساتھ بیجنگ میں ملاقات کی اور کہا ان کا ملک قاہرہ کے ساتھ تعاون بڑھانے کو تیار ہے جس کے نتیجے میں دنیا میں مزید استحکام آئے گا اور بے یقینی میں کمی آئے گی۔ 

چینی رہنما کا کہنا تھا کہ چین اور مصر اچھے دوست ہیں اور باہمی طور پر مشترکہ اہداف رکھتے ہیں، اس وقت عالمی اور علاقائی سطح پیچیدہ صورت حال اور تبدیلیوں کا دور ہے۔ دنیا تیزی سے ایسی تبدیلی کو اپنے تجربے میں لا رہی ہے جو ایک صدی تک نہیں دیکھی گئی تھی۔ چین مصر کے ساتھ مل کر کام کرنے کو بھی تیار ہے تاکہ دنیا میں انصاف لایا جاسکے اور ترقی پذیر ملکوں کے مفادات کا بھی تحفظ ہو سکے۔ 

واضح رہے جب سے فلسطینی مزاحمتی گروپ حماس اور اسرائیل کے درمیان تصادم کی فضا میں شدت آئی ہے مصر نے زیادہ تر وقت کے لیے غزہ کے ساتھ اپنی سرحد بند رکھی ہے۔ اسی سرحد کے راستے رفح راہداری سے غزہ کے لیے امدادی سامان لے جایا جا سکتا ہے تاہم قاہرہ کے حکام کا کہنا ہے کہ غزہ میں امدادی سامان پہنچانے کے لیے پائیدار راستہ دے گا۔