فلسطینیوں سے اظہار یکجہتی، کرولوش عثمان کا نئی قسط نشر نہ کرنے کا اعلان

غزہ کے اسپتال پر اسرائیل کی جانب سے کیا جانے والا وحشیانہ حملہ اور فلسطینیوں سے اظہار یکجہتی کرتے ہوئے اسلامی فتوحات پر مبنی عالمی شہرت یافتہ ترک سیریز کورولوش عثمان کی نئی قسط  نشر نہیں کی گئی۔

کورولوش عثمان کے 5 ویں سیزن کا کچھ دن قبل آغاز ہوا اور گزشتہ شب سیریز کی 133 ویں قسط نشر ہونا تھی جسے روک دیا گیا اور اس کے بجائے 132 ویں قسط دوبارہ دکھائی گئی۔اس حوالے سے کورولوش عثمان کی پروڈکشن ٹیم نے سیریز کی نئی قسط نشر نہ ہونے کی وجہ بتائی اور آفیشل انسٹاگرام اکاؤنٹ سے پوسٹ شیئر کی۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Kuruluş Osman (@kurulusosman)

پوسٹ میں لکھا گیا 'غزہ کے اسپتال پر اسرائیل کے حملے میں ہمارے سیکڑوں فلسطینی بھائیوں کی شہادت پر ہمارے ملک میں 3 روزہ قومی سوگ کا اعلان کیا گیا ہے، اسی وجہ سے سیریز عثمان کے 5ویں سیزن کی نئی قسط نشر نہیں کی جائے گی۔

اس کے علاوہ کورولوش عثمان کی ٹیم نے اپنی پوسٹ میں اسرائیلی بمباری کو انسانیت کے خلاف جرم قرار دیا اور فلسطینی عوام، بچوں اور خواتین کی شہادت پر شدید مذمت بھی کی۔