تھل جیپ ریلی کا9سے 12 نومبر تک جاری رہنے کا شیڈول جاری

آٹھویں تھل جیپ ریلی 9 نومبر سے 12 نومبر تک جاری رہے گی، شیڈول جاری کر دیا گیا ہے ۔ضلعی انتظامیہ کے مطابق ہیڈ محمد والہ کے ریت ٹیلوں سے شروع ہونے والی تھل جیپ ریلی 9 نومبر سے 12 نومبر 2023 تک جاری رہے گی۔

تھل جیپ ریلی کے پہلے روز 9 نومبر کو گاڑیوں کی رجسٹریشن، ٹیگنگ، میڈیکل چیک اپ، تھل جیپ ریلی کے دوسرے روز 10 نومبر کوالیفائنگ رائونڈ ہوگا اور 11نومبر کو سٹاک کیٹگری ریس ہو گی، 12 نومبر کو موڈیفائیڈ وہیکل اینڈ وومن کیٹگری ریس اور شام کو تقریب تقسیم انعامات ہوگی۔

آٹھویں تھل جیپ ریلی ٹورازم ڈویلپمنٹ کارپوریشن پنجاب اور ضلعی انتظامیہ مظفرگڑھ کے تعاون سے کرائی جارھی ہے، ایڈیشنل ڈپٹی کمشنر ریونیو مظفرگڑھ ڈاکٹر عابدہ فرید کو فوکل پرسن مقرر کیا گیا ہے۔