نگران وزیر اعلی پنجاب نےلاہور میں ایک اور کارڈیالوجی اسپتال کی منظوری دے دی

وزیراعلی پنجاب محسن نقوی نے پی آئی سی میں امراض قلب کے مریضوں کے رش کے باعث لاہور میں دل کا ایک اور بڑا ہسپتال بنانے کی منظوری دے دی ہے۔جناح ہسپتال کی ایمرجنسی وٹراما سنٹرپراجیکٹ کی جگہ جناح انسٹی ٹیوٹ آف کارڈیالوجی بنایا جائے گا۔

ایمرجنسی وٹراماسنٹر کو جناح ہسپتال میں شفٹ کیاجائے گا،وزیراعلی محسن نقوی نے پراجیکٹ کی سائٹ کا دورہ کیا۔وزیراعلی نے زیر تعمیر منصوبے کی سائٹ کا تفصیلی معائنہ کیا اور منصوبے کی جلد تکمیل کے لئے ہدایات دیں۔

انہوں نے عمارت کی بنیادوں کو اگلے ماہ کے وسط تک مکمل کرنے کا حکم دیا۔وزیراعلی کو بریفنگ میں بتایا گیاکہ جناح انسٹی ٹیوٹ آف کارڈیالوجی کی عمارت 7منزلہ اوربیڈز کی تعداد250 ہوگی۔جناح انسٹی ٹیوٹ آف کارڈیالوجی پی آئی سی کے بعد لاہور کا سب سے بڑا دل کاہسپتال ہوگا۔سیکرٹری تعمیرات و مواصلات نے منصو بے پر ہونے والے تعمیراتی کام کے بارے میں بریفنگ دی۔

صوبائی وزرا ڈاکٹر جاوید اکرم،عامر میر،سیکرٹریز صحت،تعمیرات ومواصلات،سپیشل سیکرٹری صحت،پرنسپل علامہ اقبال میڈیکل کالج،ایم ایس جناح ہسپتال اور متعلقہ حکام بھی اس موقع پر موجود تھے۔