برطانیہ میں حجاب پہننے والی مسلمان خاتون پر کنگریٹ سے حملہ

لندن: برطانیہ میں حجاب پہننے والی مسلمان خاتون پر کنگریٹ سے حملہ کیا گیا۔ سعودی ذرائع ابلاغ کے مطابق ڈیوز بری کے علاقے میں رونما ہونے والے واقعے کی سی سی ٹی وی فوٹیج میں دیکھا جاسکتا ہے کہ ایک نقاب پوش شخص حجاب میں ملبوس خاتون کے قریب پہنچ کر کنکریٹ کا ٹکڑا خاتون کے سر پر مارتا ہے، خاتون کے شوہر عید کریمی نے حملہ آور کا پیچھا کیا اور اسے پولیس کے حوالے کردیا ہے

،تاہم ویسٹ یارکشائر پولیس کا کہنا ہے کہ ملزم حراست میں ہے ،پولیس نے اس پر تبصرہ کرنے سے انکار کیا کہ اس کیس کو نفرت انگیزی کے جرم کے طور پر لیا جا رہا ہے کہ نہیں۔

یاد رہے کہ یہ واقعہ ایک ایسے وقت میں سامنے آیا ہے جب برطانیہ میں غزہ جنگ کے بعد اسلامو فوبیا سے متعلق جرائم میں اضافہ ریکارڈ کیا جا رہا ہے۔رواں ماہ کے دوران لندن میں اسلامو فوبیا کے حوالے سے جرائم میں گزشتہ سال کی نسبت 140 فیصد اضافہ ہوا ہے۔