ملک میں مہنگائی کی شرح میں معمولی کمی ریکارڈ

ملک میں مہنگائی کی شرح میں معمولی کمی ریکارڈ کی گئی۔ ہفتہ وار مہنگائی کی شرح مین 0.30 فیصد کمی ریکارڈ کی گئی ہے، سالانہ بنایادوں پر ہفتہ وار مہنگائی کی شرح 29.65 فیصد رہی۔

ادارہ شماریات کی رپورٹ کے مطابق رواں ہفتے 14 اشیاء مہنگی اور 17 اشیاء سستی ہوئی ہیں۔ رواں ہفتے آلو، ٹماٹر، انڈے، دال مونگ، نمگ لہسن مہنگا ہوا اس کے علاوہ ایک ہفتے کے دوران گوشت اور سگریٹ بھی مہنگے ہوئے۔

دال ماش، دال چنا، دال مسور کی قیمت میں اوسطا 8 روپے فی کلوتک کمی ریکارڈ کی گئی۔ رواں ہفتے چکن 36 روپے، ایل پی جی سیلنڈر 50 روپے اور  چنی کی فی کلو قیمت 3 روپے تک کم ہوئی۔

ایک ہفتے میں آٹے کا 20 کلو کا تھیلہ 44 روپے 36 پیسے سستا ہوا ہے۔