کشمیریوں کی قربانیوں کو کبھی فراموش نہیں کیا جا سکتا ،انوارلحق کا کڑ

نگران وزیراعظم انوارالحق کاکڑ نے کہا ہے کہ پاکستان کشمیری عوام کے ساتھ مضبوطی سے کھڑا ہے اور ان کے غیر متزلزل جذبے اور پاکستان سے محبت کو کبھی فراموش نہیں کرسکتا۔

 انہوں نے آج ایک ٹویٹ میں کہا کہ آج جب کشمیر پر بھارت کے غیر قانونی قبضے کے چھہتر سال مکمل ہوگئے ہیں میری دعائیں ان دلیر اور پرعزم کشمیری عوام کے ساتھ ہیں جو اپنے جائز حقوق کےلئے مسلسل عظیم قربانیاں دے رہے ہیں۔

 مقبوضہ جموں و کشمیر میں بھارت کے غیر قانونی اقدامات کو اجاگر کرتے ہوئے نگران وزیر اعظم نے کہا کہ کشمیریوں  کو ان کا حق رائے دہی دینے کی بجائے بھارت نے کشمیری قیادت کو پابند سلاسل کردیا ہے۔