دنیا بھر میں مقیم کشمیریوں نے یوم سیاہ منا یا

کنٹرو ل لائن کے دونوں جانب اوردنیا بھر میں مقیم کشمیریوں نے آج (جمعہ) کویوم سیاہ منایاجس کا مقصد دنیا کو یہ پیغام دینا ہے کہ بھارت نے ان کی سرزمین پر ستائیس اکتوبر انیس سو سینتالیس سے غیرقانونی قبضہ کررکھا ہے۔

انیس سو سینتالیس میں آج کے دن بھارتی فوج نے تقسیم ہند کے منصوبے کی صریحاً خلاف ورزی کرتے ہوئے جموں و کشمیر پر حملہ کیا اور کشمیریوں کی اُمنگوں کے خلاف جموں و کشمیر پر غیر قانونی قبضہ کرلیا۔

ستائیس اکتوبر انیس سو سنتالیس کو بھارتی فوج کے قبضے اور پانچ اگست دوہزار انیس کو مودی حکومت کی طرف سے مقبوضہ کشمیر کی خصوصی حیثیت کی تنسیخ کے یکطرفہ اور غیر آئینی اقدام کی مذمت کے لئے آزاد جموں و کشمیر سمیت پورے ملک اور دنیا بھر میں احتجاجی مارچ اور سیمینار منعقد کئے گئے اور ریلیاں نکالی گئیں۔