یونیورسٹی آف ماڈرن لینگوئیجز میں چینی کتب کی اہمیت پر تقریب منعقد

نمل کی”علمی بیٹھک” کی نشست میں چین بارے کتب کی تقریب منعقد ہوئی ۔نیشنل یونیورسٹی آف ماڈرن لینگوئجز، اسلام آباد میں “علمی بیٹھک” کے نام سے ایک فورم گذشتہ چند برسوں سے قائم ہے جو اپنے ہاں علمی و ادبی نشستوں کا تواتر سے اہتمام کرتا رہتا ہے۔ ان نشستوں میں طالب علموں اور اساتذہ کی کثیر تعداد حصہ لیتی ہے۔

گذشتہ روزعلمی بیٹھک نے ایک خصوصی نشست کا اہتمام کیا، جس میں دانشور اور استاد پروفیسر فتح محمد ملک اور سینئر صحافی سبوخ سیدمدعو تھے ۔یہ خصوصی نشست چین کے حوالے سے اردو میں شائع شدہ دو کتب “چین شناسی” اور “چین از چیر مین ماؤ تاغربت مکاؤ” کی اشاعت میں علمی تعاون کرنے والے سکالرز میں اعزازی اسناد کی تقسیم کے حوالے سے رکھی گئی تھی ۔

ان کتب کی اشاعت کنفیوشس انسٹی ٹیوٹ اسلام آباد اور بیجنگ لینگویج اینڈ کلچر یونیورسٹی، بیجنگ کی طرف سے مالی معاونت کے ذریعے ممکن ہوئی اور یہ علمی کام کنفیوشس انسٹی ٹیوٹ اسلام آباد کے نائب صدر محترم پروفیسر ڈاکٹر ژانگ وے کی زیر نگرانی مکمل ہوا۔پروفیسر فتح محمد ملک نے اپنی گفتگو میں پاکستان اور چین کے درمیان دیرینہ دوطرفہ تعلقات کے حوالے سے روشنی ڈالی۔

 سبوخ سید نے اپنی گفتگو میں پاکستان اور چین کے درمیان پائیدار اور نتیجہ خیز تعلقات کو فروغ دینے میں علم اور ثقافتی فہم کی اہمیت پر اپنی گہری بصیرت کا اظہار کیا۔ تقریب کے آخر میں پروفیسر فتح محمد ملک نے متذکرہ بالا اشاعتوں میں تعاون کرنے والوں کو اعزازی اسناد سے نوازا