پاکستانی عدالتوں سے انصاف نہ ملا تو ڈونلڈ لو کے خلاف امریکا میں کیس کریں گے،علیمہ خان

عمران خان کی ہمیشرہ علیمہ خان کا کہنا ہے کہ چیئرمین پی ٹی آئی پر وہ دفعات لگائی جارہی ہیں جن سے ان کو سزائے موت یا عمر قید ہوسکتی ہے، اگر عدالتوں سے انصاف نہیں ملتا تو ہم امریکا میں ڈونلڈ لُو پر کیس کریں گے۔

سائفر کیس کی سماعت کے موقع پر اڈیالہ جیل میں آئی ہوئی چیئرمین پی ٹی آئی کی علیمہ خان کا کہنا تھا کہ ہائیکورٹ سے سائفر کیس کا اسٹے آرڈر ہوگیا ہے،کل جج نے بھی کہا کہ سائفر کیس میں عمران خان پر جو دفعات لگائی جارہی ہے ان کے تحت انہیں سزائے موت یا عمر قید ہو سکتی ہے۔

عمران خان نے کہا ہے کہ امریکی سفارتخانہ سازش میں پوری طرح شامل تھا، پاکستانی عدالتوں سے انصاف نہ ملا تو ڈونلڈ لو کے خلاف امریکا میں کیس کریں گے،علیمہ خان pic.twitter.com/WmH7WE7L1R

— GNN (@gnnhdofficial) November 17, 2023

چیئرمین پی ٹی آئی کی ہمیشرہ کا کہنا تھا کہ چیئرمین پی ٹی آئی نے ایسا کیا جرم کیا کہ ایسی دفعات لگائی گئیں کہ جس پر خدشہ ہے ک سزائے موت ہوگی یا عمرقید ہو گی، رانا ثنا اللّٰہ نے عمران خان پر کیس کیا کہ انہوں نے پاکستان کا بہت بڑا سیکرٹ قوم کو بتا دیا، پاکستان میں ہمیں انصاف ملنا چاہیے اگر عدالتوں سے انصاف نہیں ملتا تو ہم امریکا میں ڈونلڈ لُو پر کیس کریں گے۔

علیمہ خان کا کہنا تھا کہ چیئرمین پی ٹی آئی کہتے ہیں  کہ امریکی سفارتحانہ اس سازش میں پوری طرح شامل تھا، جیل میں اچھی روٹین بنی ہوئی، وہ بالکل اچھی صحت میں ہیں، اور ان کی جانب سے کھانے کی کوئی شکایت نہیں کی گئی۔