فیسکو کا بجلی چوروں کے خلاف کریک ڈاؤن

فیصل آباد: فیصل آباد  الیکٹرک سپلائی کمپنی نے ریجن کے آٹھوں اضلاع فیصل آباد، جھنگ، ٹوبہ ٹیک سنگھ، چنیوٹ، سرگودھا، میانوالی، خوشاب، بھکرسے70دنوں میں 3859بجلی چوروں کو پکڑلیاگیاجنہیں ایک کروڑ سے زائد ڈی ٹیکشن یونٹس اور 47کروڑ11لاکھ سے زائدکے جرمانے عائد کئے گئے جبکہ بجلی چوروں سے 28کروڑ 78لاکھ سے زائد کی ریکوری بھی کرلی گئی اورمجموعی طور پر فیسکو ریجن سے 3651بجلی چوروں کے خلاف ایف آئی آرز کا اندراج کروادیاگیانیز3189چورگرفتاربھی کئے جاچکے ہیں۔

فیسکو کے ترجمان نے  بتایا کہ حکومت پاکستان اور وزارت توانائی پاور ڈویژن کی ہدایات پربجلی چوروں کے خلاف فیسکو کا کریک ڈاؤن جاری ہے اورچیف ایگزیکٹو فیسکو ہدایت پر فیسکو ریجن کے چھ آپریشن سرکلز میں بجلی چوروں کے خاتمے کیلئے روزانہ کی بنیاد پر دن اور رات کے اوقات میں چیکنگ کی جارہی ہے۔

انہوں نے بتایا کہ فیسکو ریجن میں بجلی چوری کے خلاف جاری خصوصی مہم میں 70روزکے دوران 3629گھریلو،121کمرشل،101زرعی اور 8انڈسٹریل صارفین بجلی چوری میں ملوث پائے گئے جو کہ ڈائریکٹ سپلائی،میٹر کی باڈی میں سوراخ اور ٹیمپرڈکرکے،میٹر کو سلو کرکےنیوٹرل بریک کرکے اور دیگر مختلف طریقوں سے بجلی چوری کرکے محکمے کو نقصان پہنچارہے تھے۔

انہوں نے بتایا کہ فیسکو فرسٹ سرکل سے اب تک کل 1002بجلی چوروں کو پکڑا گیاہے جن کو 26لاکھ 78ہزار سے زائد ڈی ٹیکشن یونٹس پر مشتمل 12کروڑ21لاکھ سے زائد کاجرمانہ عائد کیاگیا ہے۔اسی طرح فیسکو سیکنڈ سرکل سے ٹیموں نے دوران چیکنگ اب تک کل 624بجلی چوروں کو پکڑاہے جن کو 18لاکھ 12ہزار سے زائد ڈی ٹیکشن یونٹس اور8کروڑ44لاکھ سے زائد کا جرمانہ عائد کیاگیاہے۔

 فیسکوجھنگ سرکل سے کل446بجلی چوروں کو14لاکھ60ہزار سے زائد ڈی ٹیکشن یونٹس اور5کروڑ97لاکھ سے زائد کا جرمانہ عائد کیاگیاہے۔فیسکوسرگودھاسرکل سے کل546بجلی چوروں کو13لاکھ57ہزار سے زائد ڈی ٹیکشن یونٹس اور6کروڑ40لاکھ سے زائد کا جرمانہ عائد کیاگیاہے۔

فیسکومیانوالی سرکل سے کل922بجلی چوروں کو21لاکھ16ہزار سے زائد ڈی ٹیکشن یونٹس اور10کروڑ18لاکھ سے زائد کا جرمانہ عائد کیاگیاہے۔انہوں نے بتایا کہ فیسکوٹوبہ ٹیک سنگھ سرکل سے کل319بجلی چوروں کو7لاکھ56ہزار سے زائد ڈی ٹیکشن یونٹس اور3کروڑ89لاکھ سے زائد کا جرمانہ عائد کیاگیاہے۔انہوں نے کہاکہ فیسکو ریجن سے بجلی چوروں کے مکمل خاتمے تک یہ خصوصی مہم جاری رہے گی۔