سموگ پر قابوپانے کیلئے تمام وسائل بروئے کار لائیں گے ،محسن نقوی

پنجاب کے نگران وزیراعلی محسن نقوی نے کہا ہے کہ حکومت صوبے میں سموگ پرقابوپانے کیلئے ہرممکن اقدامات کررہی ہے ۔

انہوںنے ایک بیان میں کہاکہ لاہور میں بارہ مقامات پر سموگ ائیر فلٹر ، یونٹس نصب کئے جائیںگے۔ انہوں نے کہاکہ پنجاب میں ایک ماحولیاتی لیبارٹری بھی قائم کی جائے گی ۔

نگران وزیراعلی نے کہا کہ مصنوعی بارش کیلئے ماہرین کی خدمات بھی حاصل کی جارہی ہیں۔

محسن نقوی نے کہا کہ دھواں چھوڑنے والی گاڑیوں کو بھی بند کیا جائے گا ۔

انہوں نے کہا کہ فیکٹری میں بوائلر چلانے والوں کے خلاف بھی قانونی کاروائی کی جائے گی ، انہوں نے کہا کہ صحت کے معاملے میں کسی بھی کام پر سمجھوتہ نہیں کیا جائے گا ۔