امریکا فلسطین میں جنگ کو ہوا دے رہا ہے ،ایرانی وزیر خارجہ

غیر ملکی ذرائع ابلاغ کے مطابق اپنے بیان میں ایرانی وزیرِ خارجہ حسین امیر عبد اللہیان  نے جنگ بندی، متاثرہ شہری آبادی کو فوری امداد کی ضرورت پر بھی زور دیا ہے۔

دوسری جانب انڈونیشین اسپتال سے نکلنے کی کوشش کرنے والوں پر شمالی غزہ میں اسرائیلی فوج نے شدید فائرنگ کی، جس کے باعث 8 افراد شہید ہو گئے۔

عرب میڈیا کی رپورٹ میں انکشاف کیا گیا ہے کہ غزہ کی پٹی کے جنوب میں رفح کے مشرق میں 2 گھروں پر اسرائیلی فوج نے بمباری کر کے 11 افراد کو موت کی نیند سلا دیا ہے، جبکہ متعدد افراد زخمی بھی ہوئے ہیں۔