پاکستان ریلوے نے آن لائن رابطہ ایپ متعارف کرادی

پاکستان ریلویز نے مسافروں کو آن لائن خدمات فراہم کرنے کے لئے آج (بدھ) لاہور میں رابطہ ایپ کا اجرا کیا۔

ریلوے کے نگران وزیر شاہد اشرف تارڑ نے باضابطہ طور پر رابطہ ایپ کا اجرا کیا۔

ایپ کی سہولت تین ریل گاڑیوں پر مہیا کی جائے گی اور آئندہ دنوں میں مزید ریل گاڑیوں کیلئے بھی یہ سہولت میسر ہوگی۔ رابطہ ایپ مسافروں کو گھر سے اپنا سفر کی منصوبہ بندی کرنے میں مدد دے گی اور وہ ٹکٹوں ، ہوٹلوں، ٹیکسیوں اور طعام کیلئے بکنگ کرسکیں گے۔

یاد رہے کہ پاکستان ریلوے نے ایسی ایپ بھی متعارف کروائی تھی جس سے گھر بیٹھے آن لائن ٹرین کو ٹریک کیا جا سکتا ہے اور اس ٹرین کے ٹائم کا بھی اندازہ لگا یا جا سکتا ہے ۔