سکھ یاتریوں کا بابا گرو نانک کے یوم پیدائش پر پاکستانی حکومت کے انتظامات پر اظہار اطمینان

بھارت سے آئے سکھ یاتریوں نے سکھ مذہب کے بانی باباگرونانک دیوجی کے پانچ سو 54 ویںجنم دن کی تقریبات کے موقع پر پاکستانی حکومت کی طرف سے کئے گئے انتظامات کو سراہا ہے۔

صحافیوں سے گفتگو کرتے ہوئے شیرومانی پربندھک کمیٹی امرتسرپارٹی کے رہنما خوش چندرسنگھ نے کہا کہ پاکستانیوں کی محبت کی بدولت بار بار پاکستان کا دورہ کرنے کا دل کرتا ہے۔اس سے پہلے تقریباً تین ہزار سکھ یاتری بھارت سے واہگہ سرحد کے ذریعے تقریبات میں شرکت کیلئے لاہور پہنچے۔

پاکستان میں دس روزہ قیام کے دوران زائرین گوردوارہ جنم استھان ننکانہ صاحب گوردوارہ پنجہ صحاب حسن ابدال، گوردوارہ سچاسودا، گوردوارہ دربار صاحب کرتارپور نارووال کا دورہ کریںگے۔جنم دن کی مرکزی تقریب کل (پیر) جنم استھان ننکانہ صاحب میں ہو گی۔