ملک پاکستان کی ترقی کے لئےٹیکس ریفارمز کر یں گے ،انوارلحق کاکڑ

نگران وزیراعظم انوار الحق کاکڑ نے ملک کی ترقی کے لئے ٹیکس کے نظام کو بہتر بنانے پر زور دیا ہے۔

انہوں نے کہا کہ اقتصادی استحکام کے حصول کے لئے نجی شعبہ کی شمولیت کے ذریعے محصولات کی وصولیوں میں اضافہ کیا جانا چاہئے۔

ملک کو درپیش چیلنجوں کا ذکر کرتے ہوئے وزیراعظم نے کہا کہ ملک کی ترقی اور عوامی فلاح و بہبود کے لئے وسائل کا بہتر نظم و نسق نہایت اہمیت کا حامل ہے۔

انہوں نے کہا کہ بلوچستان کی ترقی اور خوشحالی کے لئے قدرتی وسائل سے بھرپور استفادہ کرنا ضروری ہے۔

ستر کی دہائی کے آخری عرصے اور اس کے بعد کے ڈراموں اور پروگراموں کا ذکر کرتے ہوئے انہوں نے کہا کہ پی ٹی وی نے ڈرامہ، موسیقی، تعلیم اور معلومات کی فراہمی کے شعبوں میں نمایاں خدمات سرانجام دیں۔

انہوں نے کہا کہ اس دور کا سارا کام ہماری تہذیب اور ثقافت کی پہچان ہے۔

وزیراعظم نے پی ٹی وی انتظامیہ کو ہدایت کی کہ وہ قومی اور علاقائی ثقافت کو اجاگر کرنے کیلئے اپنا کردار اداکرے۔