سیکرٹ ایکٹ کے تحت قائم خصوصی عدالت کے فیصلے کو چیلج کریں گے، لطیف کھوسہ

چیئرمین پاکستان تحریک انصاف کے وکیل لطیف کھوسہ نے کہا ہے کہ سیکرٹ ایکٹ کے تحت قائم خصوصی عدالت کے فیصلے کو چیلج کریں گے کیوںکہ یہ توہین عدالت کے مترادف ہے، جب اسلام آباد ہائی کورٹ کے بینچ کے سائفر کیس میں جیل ٹرائل کو کالعدم کر دیا تو پھر اس کے بعد جج نے کیسے آرڈر کیا ہے۔

لطیف کھوسہ کا کہنا تھا خاور مانیکا کے بیان پر چیئرمین پی ٹی آئی کو تکلیف ہوئی کہ کوئی اتنا بھی گر سکتا ہے، چیئرمین پی ٹی آئی نے کہا کہ کوئی اتنا جھوٹ بھی بول سکتا ہے، سیاست میں سب ہوتا ہے،کیسز بنا دیے جاتے ہیں لیکن کوئی اتنا گرسکتا ہے۔

چیئرمین پی ٹی آئی کے وکیل کا کہنا تھا سابق وزیراعظم کی شادی کو 6 سال ہو گئے، خاور مانیکا کو2 ماہ پابند سلاسل رکھا گیا، جج کے سامنے بیان پر خاورمانیکا لکھا ہوا کاغذ پڑھ رہے تھے، انہیں لکھا ہوا کاغذ دیا گیا، خاورمانیکا کو 6 سال بعد یاد آگیا کہ یہ عدت میں شادی ہوئی ہے۔

انتظار پنجوتھہ کی میڈیا سے گفتگو کرتے ہوئے کہا کہ چیئرمین پی ٹی آئی نے کہا ہے کہ پارٹی کے فیصلے وہ کور کمیٹی کو اعتماد میں لے کر خود کریں گے۔ وکلاء کو ہدایات جاری کی گئی ہیں وہ کیسز پر فوکس کریں۔ کوئی بھی سیاسی فیصلہ کور کمیٹی کی جانب سے جاری ہوگا۔