صحت مند بچے خوشحال معاشرے کی ضمانت ہیں، نگران وزیر صحت

نگران وفاقی وزیر برائے قومی صحت ڈاکٹر ندیم جان نے کہا ہے کہ صحت مند بچے خوشحال معاشرے کی ضمانت ہیں، انتظامیہ بچوں کی ویکسینیشن کو یقینی بنائے تاکہ کوئی بھی بچہ پولیو سے بچاؤ کے قطرے پینے سے محروم نہ رہے، پولیو کا خاتمہ ہمارے قومی وقار کا مسئلہ ہے۔

انہوں نے قومی پولیو مہم کی کارکردگی کا جائزہ لینے کیلئے میانوالی میں خانہ بدوش بستی کے دورہ کے دوران والدین سے پولیو ٹیموں کی جانب سے پلائے گئے قطروں کے بارے میں استفسار کیا۔

وزیر صحت نے بچوں کے روشن مستقبل کیلئے پولیو ٹیموں سے بھرپور تعاون کرنے کی درخواست کی ۔ صحت مند بچے خوشحال معاشرے کی ضمانت ہیں، انتظامیہ بچوں کی ویکسی نیشن کو یقینی بنائے تاکہ کوئی بھی بچہ پولیو سے بچاؤ کے قطرے پینے سے محروم نہ رہے ۔

نگران وزیر صحت ڈاکٹر ندیم جان کا کہنا تھا کہ میں خود پولیو مہم کی مانیٹرنگ کروں گا۔