غزہ صورتحال، شاہ محمود قریشی کا 4 ممالک کے وزرائے خارجہ کیساتھ امریکا جانے کا اعلان

وزیر خارجہ شاہ محمود قریشی   نے قومی اسمبلی اجلاس میں اظہار  خیال کرتے ہوئے کہا کہ قائدحزب اختلاف نےمسئلہ فلسطین پرجن جذبات کااظہارکیا ان کو سراہتا ہوں،قائدحزب اختلاف کی بہت سی باتوں سے اتفاق ہے۔پاکستان نے دوٹوک الفاظ میں اپنا مؤقف پیش کردیا ہے، پاکستانی مؤقف کی تعریف کی گئی اورسراہا گیا۔

وزیرخارجہ شاہ محمود قریشی نے کہا کہ  اس بربریت اورخون کی ہولی کاآغاز27 رمضان کوہوا، گزشتہ روزاوآئی سی رکن ممالک کے وزرائے خارجہ کااجلاس ہوا،اقوام متحدہ کی سلامتی کونسل کا ورچوئل اجلاس بھی ہوا۔چین کی قیادت اوران کے وزیرخارجہ کوخراج تحسین پیش کرتاہوں،چین کے وزیرخارجہ کی کوشش سے تقریباًتمام ممالک ایک مؤقف پرمتفق تھے لیکن  بدقسمتی سے امریکا نے ویٹوپاوراستعمال کرکے اس میں رکاوٹ ڈالی۔

شاہ محمود قریشی کا کہنا تھا کہ  آج سفارتی سطح پر سب سےاہم ادارہ سلامتی کونسل ہے،ہم نے اوآئی سی اوریو این سکیورٹی کونسل فورم پر اپنا موقف بھرپور پیش کیا۔پاکستان نے اسرائیلی جارحیت کی ہمیشہ مذمت کی ہے اور کرتا رہے گا،فلسطین کا مسئلہ ہویاکشمیرکا،ہم اس پرکبھی آنچ نہیں آنے دیں گے۔ اوآئی سی کے اجلاس میں ایک متفقہ قرارداد آئی۔

وزیرخارجہ نے اظہار خیال کرتے ہوئے کہا کہ  آج کی دنیا میں چیزوں کو دبانا اتنا آسان نہیں ہے،10 سالہ بچی کی ویڈیو بھی سوشل میڈیا کے ذریعے سامنے آئی، اس ویڈیو نے لوگوں کی آنکھیں نم کردیں۔انہوں نے کہا کہ  ترکی کے وزیرخارجہ سے سلامتی کونسل کی صورتحال پرتبادلہ خیال ہوا،ایک وفد کی صورت میں سلامتی کونسل سے رابطہ کرنے پراتفاق کیاگیا،ہم مطالبہ کرینگےکہ فوری طورپراقوام متحدہ جنرل اسمبلی کااجلاس بلایا جائے۔

شاہ محمود قریشی نے کہا کہ   میں آج رات ترکی روانہ ہورہاہوں،ہم فلسطین کے ایک ایک فرد کی ترجمانی کریں گے،مجھ سمیت4 ممالک کے وزرائے خارجہ نیویارک جارہے ہیں،7 روز ہوگئےبمباری رکی نہیں،ہرروزشہادتوں میں اضافہ ہورہا ہے۔