بابری مسجد کو شہید ہوئے 31برس بیت گئے

پاکستان نے بھارت سے  مذاکرات کے ذریعے کہا ہے  کہ وہ اقلیتوں خصوصا مسلمانوں اور ان کی عبادت گاہوں کے تحفظ اور سلامتی کو یقینی بنائے۔

 دفتر خارجہ کی ترجمان ممتاز زہرا بلوچ نے ہندو انتہا پسندوں کے ہاتھوں بھارت کے شہرایودھیہ میں تاریخی بابری مسجد شہید کئے جانے کے 31 سال مکمل ہونے کے موقع پر آج ایک بیان میں کہا اقلیتوں کا تحفظ اور عبادت گاہوں کی حفاظت ایک اہم مسئلہ ہے ،  ترجمان نے اس بات پر افسوس ظاہر کیا کہ بھارت کی اعلیٰ عدلیہ نے نہ صرف اس نفرت انگیز اقدام کیلئے مجرمان کو بری کردیا بلکہ شہید کی جانے والی مسجد کی جگہ مندر تعمیر کرنے کی اجازت بھی دی ، توقع ہے کہ جنوری 2024 میں بھارت میں عام انتخابات سے چند ماہ قبل اس مندر کا افتتاح ہوگا۔

واضح رہے کہ 6 دسمبر 1992ء کو اتر پردیش کے شہر ایودھیا میں انتہا پسند ہندوؤں نے بابری مسجد کو شہید کیا تھا۔

ممتاز زہرابلوچ نے کہا کہ مسلمانوں کیخلاف غصہ جو بابری مسجد کی شہادت کا باعث ہمیشہ سے شدت کے ساتھ جاری رہا ہے ترجمان نے کہا کہ مسلمانوں کے مقدس مقامات ہندو انتہا پسندوں کے ہاتھوں حملوں کی زد میں رہے ہیں۔انہوں نے عالمی برادری پر بھی زور دیا کہ وہ بھارت میں اسلام کے خلاف بڑھتے ہوئے پروپیگنڈے ،نفرت پر مبنی تقاریر اور نفرت انگیز جرائم کا نوٹس لے۔