بانی چئیرمین پی ٹی آئی عمران خان کا نااہلی اور سزا کے خلاف عدالت سے رجوع

بانی چئیرمین تحریک انصاف اور سابق وزیر اعظم عمران خان کی نااہلی اور سزا کے خلاف عدالت سے رجوع کر لیا

سینئر مرکزی رہنما بیرسٹر سید علی ظفر کی جانب سےالیکشن کمیشن کے نوٹیفیکیشن کے خلاف لاہور ہائیکورٹ میں درخواست دائر کر دی۔ درخواستوں میں الیکشن کمیشن کے 8اگست کے نوٹیفیکیشن کو چیلنج کیا گیا ہے

درخواست میں موقف اختیار کیا گیا ہے کہ الیکشن کمیشن نے بانی چئیرمین پی ٹی آئی کو دستور کے آرٹیکل63(1h) اور الیکشن ایکٹ 2017 کے سیکشن 232 کے تحت پانچ سال کیلئے نااہل قرار دیا ہے، الیکشن ایکٹ کے ایکشن 232 میں ترمیم لائی جا چکی ہے، سیکشن 232 میں تریم کے بعد الیکشن کمیشن کے پاس قومی وصوبائی اسمبلیوں کے اراکین کی اہلیت کے معاملے پر فیصلے کا اختیار نہیں ہے۔

بانی چئیرمین تحریک انصاف اور سابق وزیر اعظم عمران خان کی نااہلی اور سزا کو کالعدم قرار دینےکا معاملہ

پاکستا ن تحریک انصاف نے الیکشن کمیشن آف پاکستان کے نوٹیفیکیشن کے خلاف لاہور یائیکورٹ سے رجوع کر لیا

سینئر مرکزی رہنما بیرسٹر سید علی ظفر کی جانب سے الیکشن کمیشن کے نوٹیفیکیشن… pic.twitter.com/9PwdWnVgl0

— PTI (@PTIofficial) December 7, 2023

بیرسٹر علی ظفر کا کہنا ہے کہ الیکشن کمیشن نے 8 اگست 2023 کو جو نوٹیفیکیشن جاری کیا اس وقت عمران خان قومی اسمبلی کے رکن نہیں تھے، عمران خان کو قبل از وقت قومی اسمبلی کی رکنیت کیلئے نا اہل قرار نہیں دیا جا سکتا، بطور رکن حلف اٹھانےکے بعد ہی الیکشن کمیشن ایسا کوئی نوٹیفیکیشن جاری کرنے کا مجاز ہے اور یہ بھی صرف دستور کے آرٹکیل 63 کے تحت ممکن ہے،

درخواست میں کہا گیا ہے کہ الیکشن کمیشن کی جانب سے نوٹیفیکیشن کا اجراء بدنیتی پر مبنی ہے، الیکشن کمیشن کے اس نوٹیفیکیشن سےعمران خان اور ان کی جماعت کو آئندہ انتخابات سے باہر کرنے کی پرجوش اور جلد بازی میں کی گئی غیر قانونی اور بلاجواز کوششیں عیاں ہوتی ہیں، عمران خان کی سزا کے خلاف لاہور ہائیکورٹ میں اپیل زیرِ التوا ہے جبکہ عدالت اس سزا کو معطل کر چکی ہے،

رہنما پی ٹی آئی علی ظفر نے مزید کہا کہ الیکشن کمیشن کی جانب سے دستور کے آرٹیکل )63(1 (h) کو نظر اندازکر کے جاری کیا گیا نوٹیفیکیشن آئین سے متصادم ہے، الیکشن کمیشن آف پاکستان کے 8 اگست 2023 کے نوٹیفیکیشن کو غیر آئینی اور غیرقانونی قرار دے کرکالعدم قرار دیا جائے، معززعدالت معاملے کے حتمی انجام تک الیکشن کمیشن کے حکمنامے سے پیدا ہونے والے اثرات کو بھی معطل کرے۔