ملک میں فی تولہ سونے کی قیمت میں اضافہ

تفصیلات کے مطابق  پاکستان بھر میں کاروباری ہفتے کے دوسرے روز سونے کی قیمت میں اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن  کے مطابق ملک بھر میں سونے کی فی تولہ قیمت 800 روپے اضافے کے بعد 1 لاکھ 7 ہزار 250 روپے ہوگئی ہے جبکہ 10 گرام سونے کی قیمت 686 روپے اضافے کے بعد 91 ہزار 950 روپے ہوگئی ہے جبکہ چاندی کی قیمتوں میں استحکام ریکارڈ کیا گیا۔

عالمی صرافہ مارکیٹ میں سونے کی قیمت 17 ڈالر اضافے سے 1866 ڈالر فی اونس ہے۔