سرکاری سکیم کے تحت مجموعی طور پر 66 ہزار 314 حج درخواستیں موصول

وزارت مذہبی امور نے کہا ہے کہ سرکاری سکیم کے تحت مجموعی طور پر 66 ہزار 314 حج درخواستیں موصول ہوئی ہیں۔

وزرات مذہبی امور کے اعدادوشمار کے مطابق 20 دسمبر تک ریگولرحج سکیم کے تحت 63ہزار 262 اور سپانسر شپ سکیم کے تحت 3 ہزار 52  درخواست گزاروں نے اپنی درخواستیں قومی بینکوں کی مجاز شاخوں میں اور بیرون ملک سے ترسیلات زر کے ذریعے جمع کرائیں۔

واضح رہے کہ ریگولر سکیم کے تحت حج درخواستیں جمع کرانے کی آخری تاریخ 22 دسمبر ہے تاہم سپانسر شپ سکیم کے تحت اب تک صرف 3 ہزار سے زائد درخواستیں موصول ہوئی ہیں۔

نگران وزیر مذہبی امور انیق احمد نے ایک انٹرویو میں عندیہ ظاہر کیا ہے ریگولر سکیم کی تاریخ میں توسیع نہیں کی جائے گی جبکہ سپانسر شپ سکیم کے تحت درخواستوں کی وصولی کی تاریخ میں توسیع کے بارے میں غور کیا جا رہا ہے ۔

انہوں نے بیرون ملک مقیم پاکستانیوں سے کہا کہ وہ اپنی حج درخواستیں زر مبادلہ کے ذریعے جمع کرا کے جہاں ایک طرف مذہبی فریضہ سر انجام دیں گے تو دوسری طرف یہ قومی خدمت بھی ہو گی۔