وزارت انفارمیشن ٹیکنالوجی کیلئے عالمی اعزاز

جی این این کے مطابق وفاقی وزیر انفارمیشن ٹیکنالوجی سید امین الحق کا کہنا ہے کہ دنیا بھرکے انفارمیشن ٹیکنالوجی منصوبوں میں پاکستانی آئی ٹی پراجیکٹ کوچیمپئن ‏شمارکرلیا گیا ۔ان کاکہنا تھا کہ  ‎پہلی مرتبہ پاکستان کے کسی آئی ٹی منصوبے کو نہ صرف ٹاپ فائیو میں شامل کیا گیا ‏بلکہ دیگرمنصوبوں کوبھی پذیرائی ملی ۔  سید امین الحق نے  کہا کہ  آئی ٹی یو کو گزشتہ 10 سال سے پاکستان میں آئی ٹی کے منصوبے بھیجے جارہے ہیں ‏، آئی ٹی کے منصوبوں کا تعلق عوامی مفاد اورآئی ٹی کیلیے سازگار ماحول کی فراہمی ‏سے ہے۔ ‎آئی ٹی یو کے تحت عالمی اجلاس برائے انفارمیشن سوسائٹی کیلئے دنیا بھر سے آئی ‏ٹی کے1270 منصوبوں کوشامل کیا گیا ہے، ‎جس میں آئی ٹی یوکی جانب سے360 منصوبوں کوشارٹ لسٹ کیا گیا۔

انہوں نے مزید کہا کہ  ‎13 ‎لاکھ آئی ٹی ماہرین کی ووٹنگ کے بعد 5 منصوبوں کوچیمپئن قراردیا گیا۔‎ ‎چیمپئن قراردیے جانے والے 5 منصوبوں میں سے ایک منصوبہ پاکستان کے نیشنل ‏انکوبیشن سینٹرزکا ہے۔ ‎ سید امین الحق نے کہا کہ‎ یہ ‎ ‎عالمی اعزازاس بات کا ثبوت ہے کہ وزیراعظم کے ڈیجیٹل پاکستان وژن کے تحت وزارت آئی ٹی ‏مثبت راہ پرگامزن ہے۔  

سید امین الحق  نے  عالمی اعزازپرسیکریٹری آئی ٹی شعیب احمد صدیقی، وزارت آئی ٹی ‏و ٹیلی کمیونی کیشن اوراگنائٹ کے افسران وملازمین کومبارکباددی ۔