مائیکرو سا فٹ کی ویڈیو کانفرنسنگ سروس، اب سب کیلئے مفت دستیاب

ٹیکنالوجی ویب سائٹ کے مطابق اسےزوم اور گوگل میٹ جیسی ویڈیو کانفرنسنگ سروسز کے مقابلے میں عام لوگوں کے لئے بنایا  گیا ہے،مائیکرو سافٹ ٹیمز میں 24 گھنٹے تک ون آن ون مفت ویڈیو کالز کی سہولت  موجود ہے۔کمپنی کی  طرف سے گروپ ویڈیو کالز کو 24 گھنٹے تک جاری رکھنے کی سہولت دی گئی ہے جس میں 300  لوگ شامل  ہو سکتے ہیں۔تاہم  کہا  گیا ہے کہ مفت گروپ کالز کا دورانیہ اور لوگوں کی تعداد کو  کم کیا جائے گا یعنی ایک گھنٹے تک 100 افراد سے بات کی جاسکے گی۔ کمپنی نے فی الحال یہ اعلان نہیں کیا کہ ایسا کب تک ہوگا۔ مائیکروسافٹ ٹیمزمیں ٹوگیدرموڈ کو بھی استعمال کیا جا سکے گا جس میں  ویڈیو کال کے دوران  صارفیں اپنابیک گراؤنڈ بھی شیئر کرسکیں گے۔

واضح رہے کہ پہلے مائیکروسافٹ ٹیمز کو  صرف کاروباری مراکز کے لیے متعارف کرایا گیا تھا مگر اب اسے زوم اور گوگل میٹ کو ٹکر دینے کے لیے عام افراد کے لیے پیش کیا گیا ہے تا کہ  وہ بھی اس سے مستفید ہو سکیں۔ مائیکروسافٹ ٹیمز کا مفت سافٹ ویئر ڈیسک ٹاپ ایپ اور ویب براؤزر پر دستیاب ہے جبکہ اینڈرائیڈ اور آئی او ایس ایپس بھی جاری کی گئی ہیں۔

خیال رہے کہ کورونا وائرس کی وبا کےاس دور میں ویڈیو چیٹ اور کانفرنسنگ سروسز کے استعمال میں کافی اضافہ ہوا ہےاورحالات کسی حد تک معمول پر آنے کے بعد بھی بہت سے لوگ ان سافٹ ویئرز کے ذریعے رابطے کو ترجیح دیتے ہیں۔