کورونا پابندیوں کے حوالے سے محکمہ داخلہ سندھ کا نیا حکم نامہ جاری

تفصیلات کے مطابق کورونا وبا سے نمٹنے کے لیے سندھ کورونا ٹاسک فورس کی ہدایات کی روشنی میں نیا نوٹیفکیشن جاری کردیا گیا۔

 محکمہ داخلہ سندھ کا کہنا ہے کہ کاروباری اوقات میں تبدیلی کردی گئی،  کاروباری اوقات کار صبح 5 بجے سے شام 6 بجے تک ہوں گی ،  بیکریاں اور دودھ کی دوکان کو رات 12 بجے تک کھلنے کی اجازت ہوں گی۔ جمعہ اور اتوار سیف ڈیز پر دو دن کاروبار بند ہوگا۔اسپتال، میڈیکل اسٹورز اور پیٹرول پمپ 24 گھنٹے کھلے رہے گے، شاپنگ مالز کے اندر قائم میڈیکل اسٹور شام 6 بجے ہونگے۔

محکمہ داخلہ سندھ کے مطابق  حیدرآباد ڈویژن میں جمعے اور ہفتے کو سیف ڈیز پر کاروبار بند رہے گا۔ ریسٹورنٹس میں ڈائننگ بند رہے گی، ٹیک اوے کی اجازت ہوگی،  فوڈ اسٹریٹس بند رہیں گی۔

کراچی کے ضلع شرقی اور جنوبی، حیدرآباد کے قاسم آباد لطیف آباد اور تعلقہ حیدرآباد میں سخت لاک ڈائون کا فیصلہ کیا گیا ہے۔ان علاقوں میں عوام کو بلا ضرورت گھروں سے نہ نکلے کی ہدایت کی جائے۔

محکمہ داخلہ سندھ کا کہنا ہے کہ   کورونا ہاٹ اسپاٹ علاقوں میں ایس او پی پر سختی کی جائے،  انٹر سٹی، بین الصوبائی ٹرانسپورٹ 50 فیصد مسافروں کے ساتھ جاری رکھنے کی اجازت ہے، شادی ہالز، ایکسپو ہال، انڈور گیمز، پارکس، گیمنگ زونز بند رہیں گے۔

 صوبے بھر میں تمام سیاحتی مقامات بند رکھنا کا فیصلہ کیا گیا ہے۔  بیوٹی پارلر، بیوٹی کلینکس، سینما، تھیٹر اور مزارات بند رہیں گے۔صوبے میں اسکول، کالجز یونیورسٹیز مزید دو ہفتے بند رکھنے کا فیصلہ کیا گیا ہے۔ صنعتوں، مارکیٹس اور دکانوں پر کام کرنے والے ملازمین ایس او پی کے تحت کام کرینگے۔ صنعتی کارخانوں اور دکانوں پر سماجی فاصلے کا خیال رکھا جائے گا۔

محکمہ داخلہ سندھ کے مطابق   ڈپٹی کمشنرز اور پولیس ایس او پی پر سختی سے عمل کرانے کی پابند ہوگی، صوبے بھر میں کورونا ایس او پی پر آئندہ احکامات پر سخت عمل درآمد کرانے کے لیے پولیس اور روینیو حکام کو ہدایت، نوٹیفکیشن جاری کردیا۔