ایران میں پاکستانیوں کی ہلاکت پر دفتر خارجہ کی پرزور مذمت

اسلام آباد: پاکستان نے ایران میں پاکستانی شہریوں کی ہلاکت کے واقعے کی واضح الفاظ میں مذمت کی ہے۔

دفتر خارجہ کی ترجمان ممتاز زہرہ بلوچ نے ایک بیان میں انسانیت سوز واقعہ قرار دے دیا ، انہوں نے کہا کہ حکومت ایرانی حکام کے ساتھ رابطے میں ہے، اس واقعے کی فوری تحقیقات اور اس گھناؤنے جرم میں ملوث افراد کا احتساب کرانا ضروری ہے ۔ 

ایرانی ترجمان نے بتایا کہ زاہدان میں ہمارے قونصلر ہسپتال کے راستے میں ہیں جہاں زخمیوں کا علاج کیا جا رہا ہے، اور طویل فاصلے اور سیکیورٹی کی ضروریات کی وجہ سے چند گھنٹوں میں پہنچنے کی امید ہے۔

اپنے دورے کے دوران وہ مقامی حکام سے بھی ملاقات کریں گے اور دیگر چیزوں کے ساتھ اس جرم کے مرتکب افراد کے خلاف سخت کارروائی کا بھی مطا لبہ کریں گیں ۔ 

ممتاز زہرہ بلوچ نے اعلان کیا کہ پاکستان اس معاملے کی سنگینی سے پوری طرح آگاہ ہے اور تمام ضروری اقدامات کر رہا ہے۔ انہوں نے کہا کہ پکستانی سفارت خانہ میتوں  کی جلد وطن واپسی کے لیے کوشش کر رہا ہے ۔ 

دفتر خارجہ کی  ترجمان ممتاز زہرہ بلوچ نے  کہا کہ ایسے بزدلانہ حملے پاکستان کو دہشت گردی کے خلاف جنگ کے عزم سے نہیں روک سکتے۔