ایران میں پاکستانیوں کا قتل دونوں ممالک کے تعلقات خراب کرنے کی سازش ہے،وزیر خارجہ

نگران وزیرخارجہ جلیل عباس جیلانی نے کہا کہ ایران میں پاکستانیوں پر گھنائونا دہشت گرد حملہ ہمارے مشترکہ دشمنوں کی جانب سے پاکستان اورایران کے درمیان تعلقات خراب کرنے کی کوشش ہے ۔

نگران وزیر نے سوشل میڈیا پلیٹ فارم ایکس پر کی گئی پوسٹ میں ایرانی حکومت پر زوردیاکہ وہ اس پر کارروائی کرے۔انہوں نے متاثرہ خاندانوں سے تعزیت بھی کی۔

یاد رہے کہ پاکستان ایران سرحد کے قریب واقع ایران کے علاقے سراوان میں ایک افسوسناک واقعے میں 9 پاکستانی مزدوروں کو بے دردی سے قتل کردیا گیا تھا ۔

 متاثرین میں سے پانچ کا تعلق پاکستانی شہر علی پور اور اس کے قریبی علاقوں سے تھا ۔ ایران میں مزدوروں کے طور پر کام کرنے والے افراد پر نامعلوم حملہ آوروں نے ان کی رہائش گاہوں میں بے رحمی سے حملہ کر کے قتل کر دیا تھا ۔