سائفر کیس کا تفصیلی فیصلہ جاری

اسلام آباد: آفیشل سیکرٹ ایکٹ عدالت نے جمعرات کو پاکستان تحریک انصاف (پی ٹی آئی) کے بانی عمران خان اور نائب صدر شاہ محمود قریشی کے خلاف سائفر کیس کا تفصیلی فیصلہ جاری کردیا۔

تفصیلات کے مطابق سائفر کیس کا 77 صفحات پر مشتمل تفصیلی فیصلہ جج ابوالحسنات ذوالقرنین نے جاری کیا۔

عدالت کے تفصیلی فیصلے میں کہا گیا کہ سائفر کیس کا تفصیلی فیصلہ سائفر کی اہمیت، عینی شاہدین اور خفیہ دستاویزات سمیت 20 نتائج پر مشتمل ہے۔

فیصلے میں کہا گیا ہے کہ بانی پی ٹی آئی اور شاہ محمود قریشی نے نامناسب طریقہ کار سے شفاف ٹرائل کی درخواست کی۔ ٹرائل کورٹ کے روبرو دونوں مجرموں کے رویے کو مدنظر رکھا گیا، دونوں مجرموں نے خودساختہ مسائل پیدا کئے۔ انہوں نے ہمدردی حاصل کرنے کے لیے خود کو بے بس ظاہر کرنے کی کوشش کی۔

آفیشل سیکرٹ ایکٹ عدالت کے مطابق، نتائج میں کہا گیا ہے کہ منصفانہ ٹرائل کا حق چالاک ملزموں کو نہیں تھا۔ انہوں نے اپنے فائدے کے لیے سائفر کا استعمال کیا جس کا اثر ان کے وزیر اعظم اور وزیر خارجہ کے حلف کے خلاف ہوا اور پاکستان اور امریکہ کے تعلقات کو بھی نقصان پہنچا۔

واضح رہے کہ اس سے قبل 30 جنوری کو اڈیالہ جیل راولپنڈی کی خصوصی عدالت نے پی ٹی آئی کے بانی شاہ محمود قریشی کو سائفر کیس میں 10 سال قید بامشقت کی سزا سنائی تھی۔