ترکیہ کی افغانستان کے اتاترک ہسپتال کو طبّی سامان کی امداد

کابل: ترکیہ نے افغانستان کے اتاترک ہسپتال کو طبّی سامان کی امداد فراہم کی ہے۔

ٹی آر ٹی کے مطابق ترکیہ تعاون و ترقیاتی ایجنسی (ٹی آئی کے اے)کے کابل آفس کی طرف سے50 بستروں، 10 مانیٹروں، 1 عدد ڈی سی۔40 مائنڈری الٹراساونڈ مشین اور مختلف قسم کا طبّی سامان ہسپتال کے حکام کے حوالے کیا گیا ہے۔

واضح رہے کہ ہسپتال کی تعمیر افغانستان حکومت کی طرف سے شروع کی گئی تھی لیکن بعض امکانات کی عدم موجودگی کی وجہ سے تعمیر مکمل نہیں ہو سکی تھی۔

2001 میں ترکیہ کے تعاون سے تعمیر مکمل ہوئی اور ہسپتال نے اتاترک بچوں کے ہسپتال کے نام سے خدمات کا آغاز کر دیا تھا۔