امریکا میں سعودی ملٹری اتاشی کی ترقی، شہزادی ریما نے رینک بیج لگا دیئے

ریاض: امریکا میں تعینات سعودی عرب کی سفیر شہزادی ریما بنت بند بن سلطان نے ملٹری اتاشی سلمان بن عواد الحربی کو میجر جنرل کے عہدے پر ترقی ملنے پر انہیں رینک سٹار لگا دیئے۔

سعودی خبررساں ایجنسی ’ایس پی اے‘کے مطابق شہزادی ریما بنت بندر نے واشنگٹن میں سعودی سفارت خانے میں منعقدہ سادہ و پروقار تقریب میں میجر جنرل سلمان بن عواد الحربی کو ان کے نئے بیجز لگائے اور انہیں اس ترقی پر مبارکباد پیش کی۔

اس موقع پر میجرجنرل سلمان الحربی نے ترقی ملنے پرمملکت کی قیادت سے تشکر کا اظہار کیا۔