مسلم لیگ ن کے رہنما شیخ روحیل اصغر اپنے حلقے کے کارکن کو تھپڑ، ویڈیو وائرل

مسلم لیگ ن کے رہنما شیخ روحیل اصغر اپنے حلقے کے کارکن کو تھپڑ جڑ دیا، حلقے کے مسائل بتانے پر این اے 121 سے مسلم لیگ (ن) کے امیدوار آپے سے باہر ہو گئے۔

لاہور کے حلقہ این اے 121 سے ن لیگ کے امیدوار شیخ روحیل اصغر نے ووٹرز پر تشدد کیا، جس کی ویڈیو وائرل ہوگئی۔ ووٹر نے امیدوار کو مہم کے دوران پانی اور سیوریج کا مسئلہ بتایا تھا۔

ن لیگی امیدوار شیخ روحیل اصغر نے ووٹر پر تھپروں کی بارش کر دی
ووٹر نے گلی میں گندے پانی کے جمع رہنے کی شکایت لگائی تھی۔ pic.twitter.com/tGLSWeb58K

— Rubab Hayat (@shuglisam) February 4, 2024

ویڈیو میں دیکھا جا سکتا ہے کہ ایک ووٹر نے کہا شیخ صاحب گلی میں گندا پانی کھڑا ہوتا ہے، ووٹر کی شکایت پر روحیل اصغر آپے سے باہر ہو گئے۔شیخ روحیل اصغر نے دیگر کارکانوں کے سامنے ووٹر کو دھکے دیے اور تھپڑ مارا۔

علاقہ مکینوں کے مطابق روحیل اصغر کے تشدد کے بعد ان کے سیکیورٹی گارڈ بھی ووٹرز پر تشدد کرتے رہے۔

اس واقعہ پر شیخ روحیل اصغر کا کہنا تھا کہ وہ اپنے حلقے کے ہر کارکن کو جانتے ہیں اور پیار بھی کرتے ہیں اور کارکن پر غصہ پیار کا ہی اظہار تھا۔