نیپرا نے بجلی کی تقسیم کار کمپنیوں کی سالانہ کارکردگی رپورٹ 2019-20جاری کردی

تفصیلات کے مطابق  نیپرا نے بجلی کی تقسیم کار کمپنیوں کی سالانہ کارکردگی رپورٹ 2019-20جاری کردی ہے۔

رپورٹ میں کہا گیا ہے کہ بجلی کی تقسیم کار کمپنیوں کی کارکردگی ناقص رہی ہے ،ناقص کارکردگی کے باعث 59 ارب روپے لائن لاسز کی نذر ہوئے ،بجلی کمپنیاں 160 ارب روپے کی ریکوری میں ناکام رہیں ہیں ۔

نیپرا رپورٹ کے مطابق  گوجرانوالہ اور فیصل آباد کے علاوہ کوئی کمپنی لاسز نہ روک سکی ، پشاور ،کوئٹہ، سکھر اور حیدر آباد ناقص کاکردگی کی بڑی مثالیں ہیں ،کنکشن کے اہل صارفین کو حق سے محروم رکھا گیا، گیپکو ، فیسکو ، کیسکو اور سیپکو اپنے صارفین کو کنکشن دینے میں ناکام رہیں۔

رپورٹ کے مطابق  بجلی کمپنیاں اپنے علاقوں میں لوڈ شیڈنگ روکنے میں بھی ناکام رہیں ہیں ، بجلی کا لوڈ پورا ہونے کے باوجود لوڈ شیڈنگ کی گئی ، بجلی کمپنیاں صارفین کی شکایات دور کرنے میں بھی ناکام رہیں ،کمپنیاں اپنے ملازمین کیلئے حفاظتی اقدامات میں بھی ناکام ثابت ہوئیں ،2019-20میں 160 خطرناک حادثات رپورٹ ہوئے ہیں  جبکہ  بجلی کمپنیاں اعداد و شمار میں ہیرا پھیری میں ملوث پائی گئیں۔