8 فروری انتخابات کا دن نہیں بلکہ پی ٹی آئی کی امید کا دن ہے ،شیر افضل مروت

پی ٹی آئی رہنما شیر افضل مروت نے ایک ویڈیو پیغام جاری کیا جس میں انہوں نے ہی ٹی آئی ووٹرز کو ہدایات جاری کیں ہیں کہ پی ٹی آئی ووٹرز کو کسی سےبھی ڈرنے کی ضرورت نہیں ہے ۔ 

انہوں نے کہا کہ ملک کے 13 کروڑ عوام کو ڈرایا دھمکایا جا رہا ہے انہوں نے مزید کہا کہ 8 فروری انتخابات کا دن نہیں بلکہ اب پی ٹی آئی کی امید کا دن بن گیا ہے ۔ 

انہوں نے پی ٹی آئی ورکرز کو مخاطب کر تے ہوئے کہا کہ ووٹرز ووٹ ڈالنے سے پہلے اس بات کو ذہن نشین کر لیں کہ کس طرح پی ٹی آئی کے ساتھ کھلواڑ کیا گیا کیسے قانون کا مذاق بنا یا گیا ۔ 

انہوں نے کہا کہ پی ٹی آئی قانون کے ساتھ کل بھی کھڑی تھی اور آج بھی کھڑی ہے اور ہمیشہ کھڑی رہے گی ۔ 

انہوں نے کہا کہ بانی پی ٹی آئی نے ملک و قوم کیلئے ملک کے مستقبل کیلئے اپنا سب کچھ داؤ پر لگا یا ہوا ہے ، انہوں نے کہا کہ 8 فروری کا سورج ہی پی ٹی آئی کی کرن کا سورج ہے ۔

شیر افضل مروت نے کہا کہ ووٹرز پوری امید اور حوصلے کے ساتھ نکلیں اور اپنا حق رائے دہی استعمال کریں ۔