پاکستان میں19سال اور اس سے زائد عمر کے افراد کیلئے ویکسی نیشن رجسٹریشن کھولنے کا فیصلہ

تفصیلات کے  مطابق وفاقی وزیراسد عمر نے سماجی رابطے کی ویب سائٹ ٹوئٹر پر پیغام میں  بتایا کہ این سی او سی  اجلاس میں ہم نے تمام 19 سال  اور  اس سے زائد کے تمام افراد کیلئے  ویکسی نیشن رجسٹریشن کو کھولنے کا فیصلہ کیا ہے۔ رجسٹریشن کا یہ مرحلہ کل سے شروع ہوگا،  لہذا اب کورونا ویکسین کیلئے پوری قوم کی رجسٹریشن شروع ہو جائے گی،  جس  کو  ماہرین صحت نے کویڈ  ویکسینیشن کے لئے منظور کیا ہے۔

In today's NCOC meeting we decided to open up vaccination registration for all 19 years and above. This registration will start from tomorrow. So now registration will be open for the entire national population which is approved by health experts for covid vaccination

— Asad Umar (@Asad_Umar) May 26, 2021

گزشتہ روز ایک ٹویٹ میں و فاقی وزیر برائے منصوبہ بندی و این سی او سی کے سربراہ اسد عمر کا کہنا  تھا کہ کل پہلی دفعہ ایک دن میں ڈھائی لاکھ سے زائد افراد کی ویکسینیشن کی گئی ۔اسد  عمر نے کہا کہ تمام رجسٹرڈ لوگوں سے درخواست ہے جلد ویکسینیشن کے لیے ویکسین سینٹر جائیں۔

ڈاکٹر فیصل سلطان   کے مطابق پاکستان میں اب تک  ویکسی نیشن مہم کے ذریعے پچاس لاکھ افراد کو کورونا ویکسین لگائی گئی  ہے۔ حکومت ملک میں کورونا وائرس سے سب سے زیادہ متاثرہ آبادی کے تحفظ کیلئے اعلیٰ ترین سطح پر ویکسی نیشن پروگرام کی مسلسل نگرانی کر رہی ہے۔

خیال رہے کہ    ملک بھر میں ویکسینیشن کے لیے پنجاب میں 189 اور سندھ میں 14 مراکز قائم کیے گئے ہیں جبکہ خیبر پختونخوا میں 280، بلوچستان میں 44 اور اسلام آباد میں 14 ویکسینیشن سینٹر قائم کیے جا چکے ہیں۔ آزاد کشمیر میں 25 اور گلگت بلتستان میں بھی 16 مراکز کے ذریعے ویکسینیشن کی جا رہی ہے۔

دوسری جانب پاکستان نے مقامی سطح پر کوروناویکسین کامیابی سے تیار کرلی ہے ، کوروناویکسین قومی ادارہ صحت میں تیار کی گئی ہے، پہلے فیز میں سنگل ڈوزکین سائینو کی1لاکھ24ڈوز تیار کی گئی ہیں۔  مقامی تیار کردہ کورونا ویکسین آئندہ ہفتے استعمال کے لیے دستیاب ہوگی، یہ کورونا ویکسین چینی ٹیم کی زیرنگرانی پاکستانی ماہرین نے تیار کی ہے۔