پاکستان نے سیکیورٹی خطرات کے باوجود پر امن انتخابات کرائے ،دفتر خارجہ

پاکستان نے ملک میں حالیہ عام انتخابات سے متعلق مخصوص ملکوں اور تنظیموں کے منفی بیانات پر شدید تحفظات کا اظہار کیا ہے۔

دفتر خارجہ کی ترجمان ممتاز زہرا بلوچ نے آج(ہفتہ) ایک بیان میں کہا کہ ان بیانات میں اس ناقابل تردید حقیقت کو نظرانداز کر دیا گیا ہے کہ پاکستان نے سکیورٹی کے شدید خطرات سے نمٹتے ہوئے پُرامن انداز سے کامیابی کے ساتھ عام انتخابات کرائے ہیں۔

انہوں نے وضاحت کی کہ پورے ملک میں انٹرنیٹ بند نہیں کیا گیا تھا ، صرف ان علاقوں میں انٹر نیٹ معطل کیا گیا تھا جن میں شدید خطرہ تھا اور صورت حال کنٹرول سے باہر تھے ، ترجمان نے کہا کہ پاکستان فعال جمہوری طرز سیاست کے فروغ کیلئے کام کرتا رہے گا۔