پی ٹی آئی لاہور کے جنرل سیکریٹری وسیم قادر، مسلم لیگ ن میں شامل

نو منتخب رکن قومی اسمبلی اور پی ٹی آئی لاہور کے جنرل سیکریٹری وسیم قادر، مسلم لیگ (ن) میں شامل ہوگئے، انہوں نے نے قومی اسمبلی کے حلقے این اے 121 لاہور سے کامیابی حاصل کی۔

لاہور سے نومنتخب رکن قومی اسمبلی وسیم قادر نے پاکستان مسلم لیگ (ن) کی سینیئر نائب صدر اور چیف آرگنائزر مریم نواز شریف سے ملاقات کی اور ن لیگ میں شمولیت کا اعلان کیا۔مریم نواز سے ملاقات کے موقع پر مسلم لیگ ن کے رہنما ملک سیف الملوک کھوکھر بھی موجود تھے۔

وسیم قادر نے کہا کہ حلقہ کے عوام اور دوستوں کی مشاورت سے مسلم لیگ (ن) میں شامل ہو رہا ہوں۔ 

واضح رہے کہ الیکشن 2024 میں این اے 121 لاہور سے پی ٹی آئی کے حمایت یافتہ آزاد امیدوار وسیم قادر نے ن لیگ کے سینئر رہنما شیخ روحیل اصغر کو شکست دی۔