سابق قومی کرکٹر اعزازچیمہ کے والد انتقال کرگئے

تفصیلات کے مطابق سماجی رابطے کی ویب سائٹ ٹوئٹر پر  سابق کرکٹر اعزاز چیمہ نے اپنے والد کے انتقال کی خبر  سے آگاہ کیا ، انہوں نے ٹوئٹر پر لکھا کہ انتہائی افسوس کے ساتھ  میں یہ اطلاع دے رہا ہوں کہ میرے پیارے والد مہدی الیاس اختر چیمہ آج  صبح  انتقال کرگئے ہیں ۔ خبر کی اطلاع کے ساتھ اعزاز چیمہ نےوالد کے لئے سورہ فاتحہ پڑھ کر دعائےمغفرت کرنے کی بھی درخواست کی۔

إِنَّا لِلّهِ وَإِنَّـا إِلَيْهِ رَاجِعونَ
With great sorrow it is to inform you all that my Beloved Father Mehdi Ilyas Akhter Cheema passed away this morning at 5:30am 27th May 2021.
We request you to kindly pray for his maghfirat and recite SURAH FATIHA for the departed soul.

— Aizaz Cheema (@AizazCheema) May 27, 2021

یاد رہے کہ ٹیسٹ فاسٹ باؤلر اعزاز بن الیاس  چیمہ نے گزشتہ برس قائد اعظم ٹرافی فائنل کے بعد فرسٹ کلاس کرکٹ سے ریٹائر منٹ لے لی تھی ۔  15 ستمبر 2011 کو زمبابوے کے خلاف بولاوایو میں ٹیسٹ کیریئر کا آغاز کرنے والے اعزاز چیمہ نے ٹیسٹ میچوں میں 31 اعشاریہ 90 کی اوسط سے 20 وکٹیں حاصل کیں۔اعزاز چیمہ نے 14 ایک روزہ بین الاقومی اور 5 ٹی ٹوئنٹی میچز میں بھی پاکستان کی نمائندگی کی اور بالترتیب 23 اور 8 وکٹیں حاصل کیں ۔ اعزاز چیمہ نے پاکستان سپر لیگ میں بھی کوئٹہ گلیڈی ایٹرز کی   نمائندگی کی تھی ۔