بھارتی معروف اداکار رتوراج سنگھ انتقال کر گئے

بھارتی شوبز انڈسٹری کے معروف اداکار رتوراج سنگھ دل کا دورہ پڑنے سے انتقال کر گئے۔

بھارتی میڈیا رپورٹس کے مطابق منگل کے روز بالی ووڈ فلم ’ بدری ناتھ کی دلہنیا ‘ میں ورون دھون کے ساتھی اداکار رتوراج سنگھ 59 سال کی عمر میں دل کا دورہ پڑنے سے انتقال کر گئے۔

رپورٹس کے مطابق 59 سالہ اداکار لبلبے کی بیماری سے لڑ رہے تھے اور وہ حال ہی میں نجی ہسپتال سے علاج کے بعد ڈسچارج ہوئے تھے۔

رتوراج کے قریبی دوست امیت بھیل نے اداکار کے انتقال کی تصدیق کرتے ہوئے بتایا کہ ان کا انتقال حرکت قلب بند ہونے سے ہوا، انہیں کچھ عرصہ قبل لبلبے کے علاج کے لیے ایک ہسپتال میں داخل کرایا گیا تھا، گھر لوٹے تو دل کی کچھ پیچیدگیاں تھیں ، انہیں گھر پر ہی ہارٹ اٹیک ہوا اور ہسپتال پہنچنے سے قبل دم توڑ گئے۔