سندھ اسمبلی میں نومنتخب ارکان آج حلف اٹھائیں گے

کراچی: سندھ اسمبلی میں نومنتخب ارکان آج (ہفتہ) صبح 11 بجے حلف اٹھائیں گے۔

تفصیلات کے مطابق گرینڈ ڈیموکریٹک الائنس (جی ڈی اے)، جماعت اسلامی (جے آئی) اور جمعیت علمائے اسلام (جے یو آئی) نے تقریب حلف برداری کے دوران سندھ اسمبلی کے باہر احتجاج کا اعلان کردیا۔

وزارت داخلہ سندھ نے کراچی کے ریڈزون میں ایک ماہ کے لیے دفعہ 144 نافذ کردی۔ نگراں وزیر داخلہ سندھ نے کہا کہ دفعہ 144 کے نفاذ کے باعث جلوس، ہڑتالیں ممنوع ہیں۔

ان کا مزید کہنا تھا کہ قانون کی خلاف ورزی کرنے والے کسی بھی اقدام کے ساتھ آہنی ہاتھوں سے پیش آئیں گے۔ کسی بھی خلاف ورزی کی صورت میں پولیس فورس کو ریڈ زون میں تعینات کیا جاتا ہے۔

واضح رہے کہ پاکستان پیپلز پارٹی (پی پی پی) کے چیئرمین بلاول بھٹو نے کہا تھا کہ مراد علی شاہ سندھ کے وزیراعلیٰ ہوں گے اور اسپیکر سید اویس شاہ ہوں گے۔