وزیر اعلی سندھ مراد علی شاہ کا جرائم کی روک تھام کیلئے بڑا اقدام

کراچی : سندھ کے نو  منتخب وزیر اعلیٰ سید مراد علی شاہ نے کہا ہے کہ عوام کے جان و مال کا تحفظ  حکومت کی اولین ترجیح ہے۔

 وزیر اعلی سندھ مراد علی شاہ نے آج کراچی میں عہدہ سنبھالنے کے بعد امن و امان کے بارے میں ایک اجلاس کی صدارت کرتے ہوئے سکھر اور لاڑکانہ کے اضلاع سے ڈاکوؤں اور کرائم کے خاتمے پر زور دیا ۔ 

 انہوں نے کہا کہ اس حوالے سے پنجاب اور بلوچستان کی حکومتوں کے تعاون سے ایک مشترکہ کارروائی کا آغاز کیا جائے گا۔

مراد علی شاہ نے کہا کہ انہیں صوبے میں سٹریٹ کرائم کی صورتحال پر تشویش ہے ۔انہوں نے متعلقہ افسران کو ایسے جرائم کی روک تھام کےلئے سخت کارروائی کرنے اور امن عامہ بہتر بنانے کی ہدایت کی۔