امریکا،ریاست ٹیکساس کے جنگل میں لگی آگ پر قابو پانے کے لئے کوششیں تاحال جاری

ٹیکساس: امریکی ریاست ٹیکساس کے جنگل میں گرمی اور تیز ہواؤں سے بھڑکنے والی بڑی آگ پر قابو پانے کی کوششیں تاحال جاری ہیں۔

اے بی سی نیوز سے گفتگو کرتے ہوئے ہچنسن کاؤنٹی کی ایمرجنسی سروسز کی ترجمان ڈیڈرا تھامس نے بتایا کہ ٹیکساس کے جنگل میں گرمی اور تیز ہواؤں سے بھڑکنے والی بڑی آگ پر قابو پانے کی کوششیں تاحال جاری ہیں ۔

انہوں نے کہا کہ ریاست کی تاریخ کی یہ سب سے بڑی آگ 1,075,000 ایکڑ (435,000 ہیکٹر) تک بڑھ گئی ہےجس نے 2006 میں 907,000 ایکڑ اراضی کو نذر آتش کرنے والی ایسٹ امریلو کمپلیکس آفت کو پیچھے چھوڑ دیا ہے۔

ادھر،صدر جو بائیڈن نے جنوبی سرحد کا دورہ کرتے ہوئے صحافیوں کو بتایا کہ 500 وفاقی اہلکار ٹیکساس میں آگ پر قابو پانے کے لیے کام کر رہے ہیں، میں نے اپنی ٹیم کو ہدایت کی ہے کہ وہ ان کمیونٹیز کے لوگوں کی حفاظت کے لیے ہر ممکن مدد کرے جو ان آگ سے خطرے میں ہیں۔