رمضان المبارک میں مارکیٹوں کے اوقات کار بڑھانے کی منظوری

لاہور ہائیکورٹ نے رمضان میں مارکیٹ رات دیر تک کھولنے کی اجازت دے دی، عدالت نے پیر سے جمعہ تک مارکیٹیں رات 12 بجے تک کھلی رکھنے کی منظوری دے دی جبکہ ہفتہ اور اتوار کو مارکیٹوں کے اوقات کار 1 بجے تک ہوں گے۔

لاہور ہائیکورٹ کے جسٹس شاہد کریم نے اسموگ کے تدارک کے لیے دائر درخواستوں پر سماعت کرتے ہوئے تشویش کا اظہار کیا کہ بڑی گاڑیوں کی وجہ سے بھی ماحول میں آلودگی میں اضافہ ہو رہا ہے۔ 

لاہور ہائیکورٹ نے ریسٹورنٹس سے پارکنگ سے متعلق پلان طلب بھی کر لیا، ممبر جوڈیشل کمیشن نے عدالت کو آگاہ کیا کہ ریسٹورنٹس کی پارکنگ کم ہوتی ہے جبکہ ڈائننگ ہال بہت بڑے بڑے ہوتے ہیں۔

عدالت نے جوڈیشل کمیشن کے سٹاف کے ساتھ ریسٹورنٹ کے مالک کی بدتمیزی کا بھی نوٹس لے لیا، عدالت نے فوری طور پر مذکورہ ہوٹل مالک کی نشاندہی کر کے آگاہ کرنے کی ہدایت کر دی۔

بعد ازاں عدالت نے رمضان میں  مارکیٹ رات 12بجے جب کہ ہفتہ  اور اتوار رات ایک بجے تک کھولنےکی اجازت دے دی۔