ہیٹی کی صورتحال میڈ میکس فلم کے منظر کی طرح سنگین ہے،کیتھرین رسل

اسلام آباد: اقوام متحدہ میں بچوں کی ایجنسی کے سربراہ نے اتوار کو ہیٹی میں افراتفری کی صورتحال کی سنگینی بارے جائزہ پیش کرتے ہوئے کہا کہ یہ تقریباً ‘میڈ میکس’ کے ایک منظر کی طرح ہے، جس میں تشدد اور لاقانونیت کے بعدکی عکاسی کی گئی ہے۔

فرانسیسی خبررساں ادارے اے ایف پی کے مطابق یونیسیف کی ایگزیکٹو ڈائریکٹر کیتھرین رسل نےسی بی ایس کے ٹاک شو فیس دی نیشن میں کہا کہ ہیٹی میں خوفناک صورتحال ہے۔ وہاں بہت سے لوگ شدید بھوک اور غذائی قلت کا شکار ہیں ان کے لیے خاطر خواہ امداد فراہم کرنے میں مشکلات کا سامنا ہے۔

دارالحکومت پورٹ-او-پرنس کے بڑے حصوں کے ساتھ ساتھ دوسری جگہ جانے والی اہم سڑکوں کی صورتحال سخت خراب ہے کیونکہ وہاں شدت پسند باغی گرہوں کا کنٹرول ہے۔

رسل نےکہا کہ یہ منظر 1979 کی فلم میڈ میکس کی طرح لگتا ہے۔ہیٹی، جو پہلے ہی خشک سالی، قدرتی آفات اور ایک کمزور حکومت کی زد میں ہےبنیادی ضروریات کی شدید قلت ہے۔ اقوام متحدہ کی ایک حالیہ رپورٹ نے خبردار کیا ہے کہ اس نے لاکھوں افراد کو کمزور کر دیا ہے جواقتدار سنبھالنے کے لیے ایک عبوری گورننگ کونسل کے قیام کا انتظار کر رہے ہیں۔

ہیٹی کی غیرمقبول وزیراعظم ایریل ہنری نے دباؤ کے تحت پیر کو اپنے استعفیٰ کا اعلان کیا تھا۔ انہوں نے کہا کہ غیر ملکی امدادی کارکنوں میں سے بعض پر حملہ کیا گیا اور تاوان کے لئے اغوا کیا گی ہے۔